Қызылорда облысының тілдерді оқыту орталығының мемлекеттік тіл оқытушысы Үміт Абат Түркістан қаласында өткен республикалық семинарда «Қазақ тілін оқытуға арналған платформалар» тақырыбында баяндама жасады.

Іс-шара ҚР 2023-2029 жылдарға арналған тіл саясатын жүзеге асыру тұжырымдамасын орындау, қазақ тілін оқытудағы инновациялық әдістер мен тәжірибелерді талқылау, сондай-ақ отандық әдістемелермен бөлісіп, әріптестер арасында тәжірибе алмасу мақсатында ұйымдастырылды.

Семинар барысында тіл саясаты аясында жұмыс жүргізіп отырған тіл орталықтары өздерінің тәжірибелерімен бөлісті.

Қатысушылар мемлекеттік тілді үйретудің тиімді тәсілдері, заманауи технологияларды қолдану және әдістемелік құралдарды пайдалану жөнінде пікір алмасып, тәжірибелік шеберлік сабақтарын өткізді.

Үміт Абат өз баяндамасында тіл үйретудің тиімді әдістемелері мен жеке тәжірибесін ортаға салып, қатысушылардың қызығушылығын туғызды.

Сонымен қатар, семинар аясында тіл үйретудің жаңа бағыттары бойынша ұсыныстар талқыланып, қатысушылар арасында кәсіби байланыс орнатылды